खासदार बाळू धानोरकर, आ. प्रतिभाताई धानोरकर यांच्या हस्ते कोरोना लढ्यातील योध्यांना प्रोटीन किटचे वाटप

◼️ ( चंद्रपूर सप्तरंग न्युज नेटवर्क )

चंद्रपूर,( दि.६जून ) : कोरोना विषाणूच्या वाढत्या प्रादुर्भावामुळे जनजीवन विस्कळीत झाले. जनतेला उत्तम आरोग्य सेवा देण्याचे कार्य डॉक्टर, परिचारिका हे करीत आहेत. यांच्या आरोग्याची काळजी घेणे देखील समाजातील प्रत्येक व्यक्तीचे काम असल्याचे मत खासदार बाळू धानोरकर यांनी केले. आज दि.६ जून रोजी खासदार बाळू धानोरकर, आमदार प्रतिभाताई धानोरकर यांच्या हस्ते उपजिल्हा रुग्णालय वरोरा येथील डॉक्टर, परिचारिका यांना प्रोटीन किटचे वाटप करण्यात आले.

सध्या देशात तसेच राज्यात कोरोना विषाणूच्या प्रादुर्भाव वाढत आहे. या संकटाच्या सामना करीत ढाल म्हणून डॉक्टर, परिचारिका उभे असल्याचे आपल्याला दिसून येत आहे. परंतु वेळ मिळत नसल्यामुळे त्यांना कुटुंबाला व स्वतःला वेळ देता येत नाही. त्यामुळे त्यांच्या आरोग्याच्या प्रश्न देखील निर्माण होण्याची भीती आहे. त्यामुळे आज खासदार बाळू धानोरकर , आमदार प्रतिभाताई धानोरकर यांनी स्वतः वरोरा येथील उपजिल्हा रुग्णालयात जाऊन येथील डॉक्टर, परिचारिका याना प्रोटीन किट्स चे वाटप केले. यावेळी डॉक्टर, परिचारिका यांचे देखील मनोबल वाढल्याचे दिसून आले. यावेळी खासदार बाळू धानोरकर यांनी हा लढा पुढे असाच एक होऊन लढू असे सांगून सर्वांचे मनोबल वाढविले. यावेळी माजी नागराध्यक्ष विलास टिपले, सचिव तालुका कॉग्रेस मनोहर स्वामी व उपजिल्हा रुग्णालय वरोरा येथील डॉक्टर, परिचारिका व कर्मचारी यांची उपस्थिती होती.

Leave a Reply

Your email address will not be published. Required fields are marked *