◼️ काव्यरंग :- प्राजक्त

………प्राजक्त ………

नाजूक कोमल फुले पाहूनी हर्ष जाहला बहू मनी,
धुंद गंधाने भान हरपले बेभान झाले सारे अंगणी !

शुभ्र कळ्या नि देठ केशरी प्राजक्ताची फुलेच न्यारी,
सत्यभामा नि रूक्मिनीची शामसुंदर शी प्रीत बावरी !

रंग पांढरा साक्ष देतसे निस्वार्थी या त्यागाची,
रंग केशरी देते आठवण अतुट प्रीतीच्या नात्याची !

मनमोहक तो परिमळ वाटे घ्यावा साठवून काही क्षण,
बहर येईल चैतन्याला जाई शहारून सारे तनमन !

हिरव्या पानांच्या दाटीतून पहा फुलांचा किती हा बहर,
त्याग करूनी नात्यांचा ती पहा निखळली कशी भूवर!

मानवाने ही त्यांचसमान त्याग करावा स्वार्थाचा,
प्राजक्ताच्या फुलांप्रमाणेच करू या वर्षाव प्रेमाचा !!

◼️ सौ.सुनिता नाईक, कुरूळी.
मो.8080362939

Leave a Reply

Your email address will not be published. Required fields are marked *